| Notule van gesamentlike
vergadering gehou deur bestuur van Ebenheaser grondeisers en Lutzville
grondeienaars op 28 September 2006 om 14h00 te Lutzville
Wingerde:
Teenwoordig: Grondeisers - Mnre. Pieter Love,
Walkie Taylor, Henzel Love, Jakobus Fortuin en Sydney Hahn. Grondeienaars:
Mnre. Bertie Conradie en Jannie Mostert. Me. Tilla Mostert neem
die notule af.
Mnr Bertie Conradie, wat as voorsitter optree, verwelkom almal teenwoordig,
waarna Mnr Sydney Hahn die verrigtinge met gebed open. Die voorsitter
verduidelik dat die doel van die vergadering is om sinvolle voorstelle
van beide grondeisers en grondeienaars te kry om die afhandeling
van die betrokke grondeis te bespoedig. Hy stel dit dat die vergadering
gehou word sonder behandeling van enige party se regte.
Punte onder bespreking is:
1. Gemeenskaplike raakpunte moet bepaal word.
2. Watter verwagtinge het die betrokke partye van die eis?
3. Wat staan ons te doen na afhandeling van hierdie vergadering?
1. Gemeenskaplike raakpunte.
Albei partye is dit eens dat die proses van vordering duer die staat
vertraag word, en dat grondeienaars sowel as grondeisers hierdeur
benadeel word. Mnr Henzel Love stel dit dat die sloerdery spanning
en onderstrominge tot gevolg het in die gemeenskap van Ebenhaeser.
Haakpunte huidiglik is die verifikasieproses van eisers, asook die
aanstelling van geskikte diensverskaffer volgens die Vyfjaar - raamwerkooreenkoms
wat deur die staat en die Ebenhaeser-gemeenskap onderteken is.
Beide partye is bereid om deel te wees van 'n gesamentlike afspraak
met die grondeisekommissaris van Weskaap. 'n Brief wat deur beide
Mnre Pieter Love en Bertie Conradie opgestel en onderteken sal word,
sal gebruik word om genoemde afspraak binne die eerskomende twee
weke te reël. Die grondeisers sal voor 5 Oktober 2006 om 19h00
te Flentervlei, Lutzville, waar beide grondeisers en grondeienaars
met voorstelle sal kom vir sake van gemeenskaplike belang wat tydens
die vergadering met die kommissaris, bespreek kan word.
Mnr Conradie bedank die lede vir die positiewe samesprekings en
Mnr Taylor sluit die vergadering met gebed af.
............................................................. Voorsitter:
Grondeisers
..............................................................Voorsitter:
Grondeienaars
|
